Durmitor

Durmitor

(sr) Дурмитор
Tipo	cordilleira
Localizado na área protexida	Parque Nacional de Durmitor
Localización
División administrativa	Žabljak, Montenegro (pt)
43°08′N 19°01′L / 43.13, 19.02
Cordilleira	Alpes Dináricos
Características
Altitude	2.523 m
Punto máis alto	Bobotov Kuk  (2.522 m )
Superficie	350 km²

Durmitor (en montenegrino: Дурмитор) é un macizo situado no noroeste de Montenegro. Forma parte dos Alpes Dináricos. O seu pico máis alto, Bobotov Kuk, alcanza unha altura de 2523 m.

O macizo está limitado polo Canón do río Tara ao norte, o Canón do río Piva ao oeste e polo Canón do río Komarnica ao sur. Ao leste, o Durmitor ábrese a unha meseta de 1500 m de altura, chamada Jezerska površ (Meseta dos Lagos). O monte Sinjavina está situado ao leste da meseta de Jezerska površ. O Durmitor atópase na súa maior parte no concello de Žabljak.

O macizo dá nome ao parque nacional que o comprende. O Parque Nacional de Durmitor fundouse en 1952 e designouse como Patrimonio da Humanidade en 1980.

O macizo ten 48 picos por riba dos 2000 m. Os picos máis altos son:

• Bobotov kuk 2523 m

• Bezimeni vrh (Pico sen nome) 2487 m

• Šljeme 2455 m

• Istočni vrh Šljemena (Pico leste de Sljeme) 2445 m

• Soa / Đevojka 2440 m

• Milošev tok 2426 m

• Bandijerna 2409 m

• Rbatina 2401 m

• Monte Lučin 2396 m

• Prutaš 2393 m

• Minin bogaz 2380 m

• Planinica 2330 m

• Kobilja glava 2321 m

• Savin Kuk 2313 m

• Šupljika 2310 m

Características de Durmitor: 18 lagos glaciares, esparexidos polo macizo montañoso e a meseta de Jezerska Površ. Os lagos engaden unha gran beleza á montaña e foron alcumados "Gorske Oči", ou "ollos da montaña".^[1][2]

Unha teoría sobre o nome Durmitor é que deriva do romanés, que significa "lugar para durmir" (cognado co galego dormitorio) e que foi dado polos colonos romanesos na Idade Media. Hai montañas con nomes semellantes, como Visitante (cf. visător 'soñador') e Cipitor (cf. ațipitor 'durmiente') en toda a antiga Iugoslavia.^[3]

Outra teoría é que o nome foi dado polos celtas, e o significado sería calquera cousa desde "auga da montaña" ata "montaña con cristais".Modelo:Fonte? Tendo en conta a duración do tempo que os antigos celtas pasaron por esta parte e polo río Tara (Tara tamén é unha deusa celta),Modelo:Fonte? sendo o seu nome de orixe celta, é moi posible que "Durmitor" sexa un nome de orixe similar. O río Zeta tamén ten un nome de orixe celta ("Ser querido").Modelo:Fonte?

O Parque Nacional de Durmitor, creado en 1952, inclúe o macizo de Durmitor, os canóns dos ríos Tara, Sušica e Draga e a parte superior da meseta do canón de Komarnica, cubrindo unha área de 390 km². É a maior área protexida de Montenegro e inscribíuse na lista de Patrimonio da Humanidade da UNESCO en 1980.^[2]

Con 80 km de longo e 1300 m de profundidade, o Canón do río Tara no Parque Nacional de Durmitor é o desfiladeiro máis profundo de Europa.^[2][4]

O monte Durmitor é o centro do turismo de montaña montenegrino. As instalacións turísticas concéntranse arredor da cidade de Žabljak.^[2][4] No inverno, as principais actividades en Durmitor son o esquí e o snowboard. No verán, as actividades cambian a sendeirismo, montañismo e turismo recreativo. Tamén se practican deportes acuáticos na zona.^[5] Algunhas das atraccións máis destacadas da montaña Durmitor son 18 lagos glaciares, o máis coñecido dos cales é o Lago Negro e o pico da montaña Stožina.^[6]

• 
  Parque nacional de Durmitor
• 
• 
• 
• 
• 
• 
• 

Referencias