Elastiko

Elastikoa edo nikia (halaber, kamiseta gisa ezaguna Hego Euskal Herrian eta tiserta gisa Ipar Euskal Herrian) gorputz-enborra estaltzen duen janzki bat da. Elastikoak eskuarki ez du folarik, ez botoirik eta ez patrikarik, anoki biribila izaten du eta mahuka motzak.

Tiserta T-shirt ingeles hitzaren moldaketa da, hau da, "T eiteko alkandora": irudian ikusten den bezala, T itxura du eta gehienetan kotoiz egina da.

Elastikook gerriraino iristen dira, baina luzera modaren arabera alda daiteke. Adibidez, motz eta estu batzuek zilborra agerian uzten dute.

Kirol taldearen koloreak eta kirolariaren izena edota zenbakia daramaten elastikoak dira, taldeak eta kirolariak erraz bereizi ahal izateko.

• Barruko elastikoa
• Maillota